کرن اشرف کے لئے

جب میں نے اسے پہلی بار دیکھا تو مجھے لگا کہ  کتابوں میں الجھی ہوئی اور طبیعت سے سلجھی ہوئی ایک لڑکی خود کو دنیا کی بھیڑ میں شامل کرنے کی کوشش میں مصروف ہے.لیکن  یہ اندازہ غلط تھا. وہ خود کو دنیا کی بھیڑ میں شامل کرنے کی کوشش میں ہرگز نہ تھی بلکہ کہ وہ تو دنیا کو اپنا گرویدہ بنانے کی تیاریوں میں مگن تھی اور بہت جلد اس نے سب کو اپنا گرویدہ بنا بھی لیا. 

وہ جیسی دکھتی ہے اس کے بلکل برعکس ہے. اسے "محبّت" سے محبّت ہے اور "نفرت" سے نفرت ہے . وہ ہر بات کو سنجیدگی سے لیتی ہے لیکن اکثر خود کو سنجیدگی سے لینا بھول جاتی ہے کیوں کہ اسکی خواہش ہے کہ کوئی دوسرا اسے سنجیدگی سے لے، اس کی سوچ  کو سوچے، اس کے خیالوں کو پوجے. اور لگتا ہے کہ اسکی یہ خواہش بر آچکی ہے کیوں کہ اس کے پرستاروں میں میرا نام شامل ہو چلا  ہے اور میں اسکی سوچ کو سوچنے پر مجبور ہوگی ہوں۔